Тайвань әскери кемесі Қытайдың балық аулау кемесімен соқтығысып кетті.

Тайвань Әскери-теңіз күштерінің хабарлауынша, 27 наурыз күні Тайчжун қаласынан шамамен 83 шақырым қашықтықта Тайваньның «Чжунхэ» әскери кемесі Қытайдың «Минлянюй 61756» атты балық аулау кемесімен соқтығысып қалған.

Ресми мәліметке сәйкес, оқиға кезінде ешкім зардап шекпеген, ал келген зақым кемелердің қозғалыс қауіпсіздігіне әсер етпеген.

Айта кетсек, бұған дейін Тайвань билігі арал маңына бірнеше қытай кемесі мен 30-ға жуық әскери ұшақ жақындағанын мәлімдеген болатын.

Тайвань Қорғаныс министрлігінің хабарлауынша, 23 қытайлық әскери ұшақ Тайвань бұғазындағы шартты шекараны кесіп өтіп, аралдың әуе кеңістігіне енген. Тайвань тарапы бұл жағдайға тиісті түрде жауап қайтарғанын мәлімдеді.