Sirdaryo viloyati hokimining qishloq va suv xo‘jaligi masalalari bo‘yicha o‘rinbosari etib Ergashev Avazbek Yaqubjonovich tayinlandi.

Bu haqda viloyat hokimining matbuot xizmati xabar berdi.

Ergashev Avazbek Yakubjanovich 1966 yilda tug‘ilgan. Mehnat faoliyati davomida viloyat hamda vazirlik miqyosidagi rahbarlik lavozimlarida faoliyat ko‘rsatgan.

Ushbu tayinlovga qadar Avazbek Ergashev 2006 yilning 17 yanvaridan buyon Andijon viloyatining Qo‘rg‘ontepa tumani hokimi vazifasida faoliyat yuritib kelgan. 

U endi yaqinda Xorazm viloyati hokimining qishloq va suv xo‘jaligi bo‘yicha o‘rinbosari lavozimiga o‘tkazilgan Kamiljon Sobirov o‘rnida ish olib boradi.