Израиль билігі Таяу Шығыстағы бірқатар елдердегі елшіліктердің уақытша жабылатынын хабарлады.

«Израиль Таяу Шығыстың бірқатар елдеріндегі – Бахрейн, Мысыр, Иордания, Марокко және Түркиядағы елшіліктерін жауып жатыр», - деп хабарлады Израильдің қоғамдық телеарнасы бейсенбі күні X әлеуметтік желісіндегі мәлімдемесінде.

Израильдік ақпарат құралдарының хабарлауынша, қазіргі уақытта әлемдегі 20-ға жуық израильдік дипломатиялық өкілдіктердің жұмысы қандай да бір жолмен шектелген. Қызметкерлерге үйде болу және қашықтан жұмыс істеу немесе қабылдаушы елдеріндегі қауіпсіз қалаларға көшу тапсырылған.