ФОТОРЕПОРТАЖ

Бадиий гимнастика бўйича Ўзбекистон терма жамоаси аъзоси Тахмина Икромова Тошкент мезбонлик қилаётган Жаҳон кубогининг тўртинчи босқичини муваффақиятли ўтказди.

Гимнастика бўйича республика ихтисослаштирилган олимпия захиралари болалар ва ўсмирлар спорт мактабида ўтган Жаҳон кубоги баҳсларида 3 та олтин ва 2 та кумуш медалларига сазовор бўлди. Яна бир вакиламиз Наталья Усова бронза медалига эришди. 

[gallery-17157]

Жамоавий баҳсларда ҳам қизларимиз: Мумтозабону Исҳақзода, Шаҳзода Иброҳимова, Ирода Содиқова, Эвелина Атальянц, Амалия Мамедова маҳорат намоён этиб, кумуш медалларига эга бўлди.

Ғолиб ва совриндорларни тақдирлаш маросимида Халқаро гимнастика федерацияси, Спорт вазирлиги ҳамда мамлакат гимнастика федерацияси масъуллари иштирок этди.

Муҳаммад АМИН (сурат), ЎзА