Татарстанда төрт орындық ұшақ апатқа ұшырап, үш адам қаза тапты және бір адам жарақат алды

Интерфакс мәліметінше, Cessna 172 ұшағы Камское Устье елді мекеніндегі шатырлы лагер маңында экскурсиялық рейс жасаған. Ұшақ өте төмен биіктікте маневр жасау кезінде жерге құлаған.

Хабарда айтылуынша, ұшақ құлаған кезде өртеніп кеткен.

Үш адам, оның ішінде ұшқыш қаза тапты, бір жолаушы жерге секіру арқылы апаттан аман қалды, бірақ ауыр жағдайда ауруханаға жеткізілген.