ФОТОРЕПОРТАЖ

Аввал хабар берганимиздек, жорий йилнинг 16 январь – 1 февраль кунлари Нидерландияда шахмат бўйича нуфузли “Tata Steel Chess–2026” халқаро турнири бўлиб ўтди.

Мусобақанинг «Masters» гуруҳида 9 очко жамғарган Нодирбек Абдусатторов ғолибликни қўлга киритиб, мазкур турнир тарихида чемпионликка эришган илк ўзбек шахматчиси сифатида тарихга кирди. Яна бир вакилимиз Жавоҳир Синдаров 8,5 очко билан мағлубиятсиз ҳолда иккинчи ўринни эгаллади. Учинчи поғонадан эса нидерландиялик гроссмейстер Йорден ван Форест жой олди.

[gallery-27444]

Турнирда тарихий натижалар қайд этган шахматчиларимиз бугун тонгда Тошкент халқаро аэропортида Спорт вазирлиги, Ёшлар ишлари агентлиги, Ўзбекистон шахмат федерацияси мутасаддилари, ота-оналари ҳамда оммавий ахборот воситалари вакиллари иштирокида тантанали равишда кутиб олинди.

Муҳаммад АМИН (сурат), ЎзА