Республика Маънавият ва маърифат маркази, Ёшлар ишлари агентлиги, Сергели туман ҳокимлиги ҳамда “Заковат” клуби ҳамкорлигида Сергели туманидаги ташкилотлар ўртасида “Заковат” ўйини бўлиб ўтди.

Маълумки, «Заковат» интеллектуал ўйини Президентимизнинг 2021 йил 21 январдаги қарори билан аҳоли ўртасида оммавий-маърифий ҳаракатга айлантирилиши режалаштирилган.

«Заковат»да 15 та турли ташкилотлар жамоалари иштирок этди. Иштирокчилар билимга бўлган иштиёқини намойиш этди. Мақсад мантиқий тафаккур ва жамоавий ишлаш кўникмаларини шакллантиришдан иборат.

Беллашув якунида юқори ўринларни эгаллаган жамоалар диплом ва эсдалик совғалари билан тақдирланди.

Гулноза Бобоева,

ЎзА