БАӘ-нің Air Arabia әуе компаниясы Ташкент пен Рас-әл-Хайма арасында тікелей рейстерді орындайды.

«Uzbekistan Airports» компаниясының хабарлауынша, алғашқы рейс 27 желтоқсаннан басталады. Ұшулар аптасына бір рет, жұма күндері Airbus 320 ұшақтарымен орындалады. Бұл әуе компаниясының ұшақтары қатынайтын үшінші әмірлік.

Айта кетеік, Air Arabia әуе компаниясының бас кеңсесі БАӘ-нің Шарджа қаласында орналасқан. Компания Шарджа және Искандария әуежайларынан, сондай-ақ Марокконың төрт әуежайынан Таяу Шығыс, Оңтүстік-Шығыс Азия, Еуропа және ТМД елдеріне жолаушылар тасымалдайды.