2023 жылдан бастап Ташкент қаласында жаңа туған нәрестелерді перзентханаларда тіркеудің жаңа жүйесі енгізіледі.

Министрлер Кабинетінің жаңа қаулысы бойынша, Ташкент қаласында жаңа туған нәресте перзентхананың өзінде QR-код арқылы тіркелмек.

Перзентханалар тууды тіркеу туралы QR коды бар куәлік береді, ол мөр басылған туу туралы куәлікке тең. Заң авторлары жаңа тәртіп жаңа туған нәрестелерді азаматтық тіркеу органдарында дер кезінде тіркеуге және шамадан тыс бюрократия мен жемқорлықты жоюға көмектеседі деп есептейді.

Жаңа тәртіп 2023 жылдың 1 қаңтарынан бастап Ташкент қаласында күшіне енеді. Тәжірибе ойдағыдай болса, 1 маусымнан бастап республиканың барлық өңірлеріне енгізіледі.