2022 жыл 23 тамызда Өзбекстан Президенті жанындағы Стратегиялық және өңіраралық зерттеулер институты Дүниежүзілік экономика және дипломатия университетінің қолдауымен «Корея Республикасы – Орталық Азия» ынтымақтастық форумының хатшылығымен бірлесіп Өзбекстан – Корея: болашаққа назар» сарапшылар конференциясы өтеді.

Атаулы конференция Өзбекстан мен Корея Республикасы арасындағы дипломатиялық қарым-қатынастардың орнағанының 30 жылдығына арналған бірлескен іс-шаралар бағдарламасына сәйкес ұйымдастырылып отыр.

Форумның басты мақсаты – саяси, экономикалық және мәдени-гуманитарлық салалардағы екіжақты ынтымақтастықты одан әрі нығайту бойынша ұсыныстар әзірлеу.

Оған жоғары мәртебелі өкілдер – ӨР Олий Мажлисі Сенаты төрағасының бірінші орынбасары, Корея Республикасы Ұлттық Ассамблеясымен ынтымақтастық жөніндегі парламентаралық топтың жетекшісі Садик Сафоев, Сыртқы істер министрінің орынбасары Фурқат Сиддиков, «Корея Республикасы – Орталық Азия» ынтымақтастық форумы Хатшылығының атқарушы директоры Ли Чжон Гук, Кореяның Өзбекстандағы Төтенше және Өкілетті Елшісі Ким Хи Санг қатысады.

Соңғы бес жылда екі ел басшылары белсенді түрде және тұрақты кездесулер өткізді - жоғары деңгейдегі 4 саммит өтті.

Өзара тауар алмасу мен инвестиция индексінің артуы да серіктестіктің нығаюының жоғары қарқынының дәлелі. 2016-2019 жылдар аралығында тауар айналымы 2,5 есе өсіп, 1,1 миллиард доллардан 2,8 миллиард долларға дейін өсті.

ӨзА