24 мамырда Ташкент қаласындағы Халықаралық конгресс орталығында Өзбекстан-Сингапур іскер топтарының бизнес-форумы өтті.

Сингапур Республикасының Президенті Халима Якобтың Өзбекстанға сапары аясында ұйымдастырылған форумның екі ел кәсіпкерлері арасындағы іскерлік қарым-қатынасты одан әрі нығайтуда маңызы зор.

Форумның ашылу салтанатына Сингапур Республикасының Президенті Халима Якоб, Өзбекстан Республикасы Премьер-министрінің орынбасары Джамшид Ходжаев, сондай-ақ Өзбекстан мен Сингапурдың тиісті министрліктері мен ведомстволарының, өндірістік бірлестіктердің, ірі компаниялардың басшылары қатысты.

Мұндай іс-шаралар екі елдегі инвестициялық ахуал туралы егжей-тегжейлі ақпарат алмасуға, бизнесмендердің кездесулерін жиі ұйымдастыруға келісуге маңызды алаң болып табылады.

Мемлекет басшысы Шавкат Мирзиёев биылғы жылдың қаңтар айында Президент Халима Якобтың шақыруымен мемлекеттік сапармен Сингапурге барған еді. Осы кездесуден кейін екі ел арасындағы ынтымақтастық жан-жақты жанданды, келісімдер сәтті жүзеге асуда. Өзара тиімді ынтымақтастықты дамытудың жаңа дәуірін ашқан бұл тарихи сапар қорытындысында 3,8 миллиард долларды құрайтын инвестициялық жобалар портфелі қалыптасты.

[gallery-12028]

Өзбекстан мен Сингапур арасындағы сыртқы саудада оң өзгерістер байқалды. Жыл басынан бері сыртқы сауда көлемі өткен жылдың сәйкес кезеңімен салыстырғанда алты есеге жуық өсті. Инвестициялық және өнеркәсіптік кооперация саласындағы ынтымақтастық кеңейіп келеді. Соңғы жеті жылда республикада Сингапур капиталының қатысуымен құрылған бірлескен кәсіпорындардың саны 3,5 есеге артты.

Атап айтқанда, Сингапурдың ірі компанияларымен «жасыл» энергетика, ауыл шаруашылығы, фармацевтика, білім беру, туризм, инфрақұрылымды дамыту және мемлекеттік компаниялардың активтерін жекешелендіру бойынша жобалар әзірленді. Бүгінде олар тиімді жүзеге асырылуда.

Сингапур Республикасының Президенті Халима Якоб инвестициялық, сауда-экономикалық және өнеркәсіптік ынтымақтастық салаларындағы ынтымақтастық басым бағыт болып табылатынын атап өтті. Жоғары деңгейдегі өзара сапарлардың нәтижелерін жоғары бағалады.

Шара аясында білім, көлік, қала құрылысы, қаржы салаларындағы ынтымақтастықты дамыту мәселелері бойынша панельдік пікірталастар өтті.

Бизнес-форум соңында екі елдің іскер топтары үшін тиімді бірқатар бағыттар бойынша инвестициялық келісімдер мен сауда келісімдеріне қол қойылды.