Ташкентте Өзбекстан мен Ресей сыртқы істер министрліктері арасындағы саяси консультациялардың кезекті раунды өтті.

Сыртқы істер министрлігінің хабарлауынша, делегацияларды Өзбекстан Сыртқы істер министрінің орынбасары Бобур Усманов пен Ресей Сыртқы істер министрінің орынбасары Михаил Галузин басқарды.

Кездесуде Өзбекстан-Ресей стратегиялық серіктестігі мен саяси-дипломатиялық, сауда-экономикалық, мәдени-гуманитарлық және басқа да салалардағы одақтастық қарым-қатынастарының өзекті мәселелері жөнінде кеңінен пікір алмасу болды.

Бұған дейін қол жеткізілген уағдаластықтардың орындалу барысы мен алдағы уақытта түрлі деңгейдегі бірлескен іс-шаралардың кестесі жан-жақты талқыланып, Өзбекстан мен Ресей халықаралық және аймақтық институттар аясында диалогты жалғастыратыны атап өтілген.

«Кездесуде Өзбекстан-Ресей күн тәртібіндегі басқа да мәселелер талқыланды», делінген хабарламада.