Ташкент қаласында Өзбекстан мен Үндістан сыртқы істер министрліктері арасындағы саяси консультациялардың кезекті раунды өтті.

Сыртқы істер министрлігінің ақпаратына сәйкес, тараптар делегацияларына Өзбекстан Сыртқы істер министрінің орынбасары Бахромжон А'лоев пен Үндістан Сыртқы істер министрінің орынбасары Санджай Верма төрағалық етті.

Диалог барысында Өзбекстан-Үндістан күн тәртібіндегі кең ауқымды мәселелер, жоғары деңгейде қол жеткізілген келісімдерді жүзеге асыру, ынтымақтастықтың шарттық-құқықтық базасын кеңейту перспективалары бойынша сындарлы пікір алмасылған.

«Экономикалық дипломатияны дамыту, өзара сауда көлемін ұлғайту, бірлескен инвестициялық жобаларды, оның ішінде өнеркәсіптік кооперацияны жүзеге асыру бойынша ұсыныстарға ерекше назар аударылды.

Екі елдің парламенттері, үкіметтері мен аймақтары арасындағы алдағы диалогтар кестесі қаралды», делінген хабарламада.

Ведомство дерегінше, делегациялар халықаралық және аймақтық саясаттың өзекті мәселелерін, сондай-ақ көпжақты құрылымдар аясындағы Өзбекстан-Үндістан қарым-қатынастарын талқылаған.