Ташкент қаласында Өзбекстан мен Латвия арасындағы саяси консультациялардың кезекті раунды өтті.

Өзбекстан СІМ мәліметінше, Латвия делегациясын Латвия мемлекеттік хатшысының орынбасары – Сыртқы істер министрлігінің саяси директоры Иварс Ласис басқарды.

Кездесу барысында тараптар Өзбекстан мен Латвия арасындағы көпжақты ынтымақтастықты жандандыру және кеңейту перспективалары бойынша өзекті мәселелерді талқылады.

Сауда-экономикалық және инвестициялық сала, еңбек миграциясы, мәдени-гуманитарлық байланыстар, сондай-ақ көлік-логистика инфрақұрылымын дамытуға ерекше назар аударылды. Екі елдің халықаралық аренадағы өзара іс-қимылы да қарастырылды.

Келіссөздер қорытындысында түрлі деңгейдегі сапар алмасуларды ұйымдастыру, екіжақты қарым-қатынастардың қазіргі құқықтық негіздерін қалыптастыру, мәдениет пен білім саласында шаралар өткізу туралы уағдаластыққа қол жеткізілді.

Саяси консультациялардың келесі раундын 2025 жылы Ригада өткізу туралы келісім жасалды.