Өзбекстанның сыртқы істер министрі Бахтиёр Саидов елге сапармен келген Чехия сыртқы істер министрі Ян Липавскиймен кездесті.

«Чехия Республикасы сыртқы істер министрі Ян Липавский мырзаны Өзбекстан Сыртқы істер министрлігінде қарсы алғаныма қуаныштымын. Елдерімізді тарихи және халықтарымыз арасындағы қатынастар байланыстырады», – деп жазды Өзбекстан СІМ басшысы өзінің Telegram-арнасында. 

Келіссөздер барысында екіжақты ынтымақтастықты нығайту, тұрақты алмасуларды жолға қою, белсенді экономикалық дипломатияны қолдау, сондай-ақ өңірлік және жаһандық өзекті мәселелер талқыланған.

Ынтымақтастық үшін үлкен мүмкіндіктер бары ерекше атап өтілді. Екі ел арасындағы әлеует әлі де толық игерілмеген. Өзбекстан мен Чехия Сыртқы істер министрліктері арасында өзара түсіністік туралы ынтымақтастық меморандумы да рәсімделді», деп жазған СІМ басшысы.