12 мамырда Ташкент қаласында Өзбекстан-Ауғанстан-Пәкістан темір жол желісі құрылысы жобасының үйлестіру кеңсесінің ашылу салтанаты өтті.

Көлік министрлігінің хабарлауынша, айтулы шараға Президенттің Ауғанстан бойынша Арнайы өкілі И.Иргашев, Көлік министрі И.Махкамов, Инвестициялар, индустрия және сауда министрінің кеңесшісі А.Кашимов, «Өзбекстан темір жолдары» АҚ төрағасының орынбасары А.Камалов, Пәкістан Елшісі А.Фарук, Ауғанстан Елшісі А.Илмий мен Ауғанстан темір жол басқармасының төрағасы Б.Шарофат қатысты.

Жобалық кеңсені ашудан мақсат жобаның техникалық-экономикалық негізін дамыту және жобаны іс жүзінде жүзеге асыруды жеделдету бойынша бірлескен шараларды үйлестіру.