Биыл 15-17 қарашада Ташкентте «Жібек жолы туризмі» 28-ші Ташкент халықаралық туристік жәрмеңкесі өтеді.

«Узекспомарказ» ұлттық көрме кешенінде өтетін айтулы конференция туристік өнімді ілгерілетуге, іскерлік байланыстар мен ынтымақтастық орнатуға көмектесетін ақпараттық кеңістікке айналады деп күтілуде. 

1995 жылдан бері БҰҰ Дүниежүзілік туристік ұйымының (ЮНВТО) қолдауымен өткізілетін TXTЖ жыл сайын осы сала бойынша жүздеген сарапшыларды жинап, халықаралық деңгейде туризмді дамытуға қолайлы жағдай жасап келеді.

Екі жылдық үзілістен кейін өткен жылы TXTЖ-2022 өте жоғары деңгейде, тарихта тұңғыш рет бюджет қаражатынсыз, мемлекеттік-жекеменшік әріптестік аясында ұйымдастырылды. Айта кету керек, үш күнде жәрмеңкеге 11 мыңнан астам адам келген. 300 компанияның өкілдері қатысып, соңында 7 мыңнан астам келісімшартқа қол қойылды.

Биылғы жылы көрме әлемнің түкпір-түкпірінен туристік бизнес сарапшыларын жинайды деп күтілуде және көптеген саланың барлық өкілдері – жетекші туристік және көлік компаниялары, ірі қонақ үй желілері, дипломатиялық корпус, туристік оқу орындары үшін пайдалы болады деп күтілуде.

Оған Франция, Чехия, Жапония, Малайзия, Таиланд, Сингапур, Үндістан, Корея, Ресей, Қазақстан, Беларусь, Әзірбайжан, Қытай елдерінің жиырмаға жуық ұлттық стенділері қойылады. Қатысуға ниет білдіргендердің арасында Грузияның Туризм департаменті, Чехияның Ұлттық туризм әкімшілігі, Әзірбайжанның мемлекеттік туризм агенттігі, Кореяның мемлекеттік туристік ұйымы, Тайлант Корольдігі туризм бюросы, Малайзияның Туризмді дамыту жөніндегі кеңесі, Ресейден аймақтық туризм комитеттері және Сингапур ұлттық туристік агенттіктер қауымдастығы өкілдері бар.

TXTЖ-2023 іскерлік бөлігінде жетекші отандық және шетелдік сарапшылардың қатысуымен халықаралық форум өтеді. Сондай-ақ, B2B кездесулері, дөңгелек үстел, туристік қызмет көрсету және қолөнер көрмесі, Өзбекстанның туристік әлеуеті бар аймақтарының таныстырылымы, жергілікті және халықаралық аспаздардың шеберлік сабақтары ұйымдастырылады.

Туризм комитетінің мәліметінше, беделді форумға ТМД, Азия және Еуропа елдерінен 15 мыңға жуық жергілікті тұрғындар мен қонақтар келеді деп күтілуде. Туристік бағыттармен танысуға, елдердің түрлі-түсті ортасынан, мәдениетінен және дәстүрінен ләззат алуға, республиканың барлық аймақтарындағы жаңа туристік бағыттардың әлеуетін бағалауға мүмкіндік бар.

Жәрмеңкеге қатысу үшін www.titf.uz сайты арқылы онлайн тіркелуге болады.