Туризм және мәдени мұра министрлігі Ұлттық PR орталығымен бірлесіп осы жылдың 30 қарашасы мен 2 желтоқсаны аралығында 27-ші Ташкент халықаралық туристік жәрмеңкесін өткізеді.

Жәрмеңке бағдарламасы аясында жыл сайын конференциялар, B2B кездесулері, дөңгелек үстел, туристік қызмет пен қолөнер көрмелері, Өзбекстан аймақтарының туристік әлеуетінің презентациясы, гастрономиялық және басқа да көптеген іс-шаралар өтеді.

Атап айтқанда, 2019 жылы өткен Ташкент халықаралық туристік жәрмеңкесінде 15 мыңнан астам келіссөздер жүргізіліп, 9 мыңнан астам ынтымақтастық келісіміне қол қойылды. Бұл жәрмеңке тарихындағы ең ірі іс-шара саналады.

Ташкент халықаралық туристік жәрмеңкесі – «Silk Road Tourism» Өзбекстанның және бүкіл Орталық Азия аймағының туристік индустриясындағы ең жарқын және ірі шара болып табылады.

Туристік жәрмеңке 1995 жылдан бері БҰҰ Дүниежүзілік туристік ұйымының ресми қолдауымен өткізіліп келеді.