2023 жылдың 27-29 сәуір күндері Ташкент қаласында «Green Art» халықаралық ландшафт өнері экофестивалі өтеді.

Табиғи ресурстар министрлігінің хабарлауынша, бұл халықаралық фестивальді өткізудегі мақсат – қоғам назарын республикадағы экология мен жасылдандыру мәселелеріне аудару.

Фестиваль аясында халықаралық ғылыми конференция, жастар форумы, көрме өтеді. Атап айтқанда, жәрмеңкеде отандық және шетелдік өндірушілер мен питомниктер өз өнімдерінің деңгейі мен сапасы жағынан тәжірибе алмасуға мүмкіндік алмақ.

Фестивальдің халықаралық ғылыми конференциясының күн тәртібінде «Экология және медицина», «Қала шатырларын жасылдандыру», «Экология», «Антропогендік ландшафт», «Жасыл экономика» тақырыптарында отандық және халықаралық сарапшылардың дәрістері енгізілген.