Шексіз ғарыш әлеміне қызығушылар үшін Ташкент қаласындағы Байланыс тарихы музейінде «Узбеккосмос» агенттігінің қолдауымен ерекше көрме ашылды.

Көрмеде ғарышқа алғашқы қадамдар, осы салада атқарылған ғылыми зерттеулер мен жаңалықтар, сондай-ақ ғарыш саласының дамуы, оның ішінде Өзбекстанның ғарыштық зерттеулері мен технологияларындағы жетістіктері таныстырылды.

Экспозицияда 1976 жылы Айды зерттеу мақсатында ұшырылған және Ай топырағының үлгісін алып келген «Луна-24» автоматты ғарыш станциясының 3 есе кішірейтілген макеті де қойылған.