21-23 желтоқсан күндері Ташкент қаласында ТМД елдері мен Грузия киностудиялары директорларының кинематография саласындағы ынтымақтастық жөніндегі кеңесі өтеді.

Кинематография агенттігінің хабарлауынша, кеңестің негізгі мақсаты – күш-жігерді біріктіріп, ынтымақтастықты кеңейту және жаңа тетіктерді әзірлеу мен енгізу.

Форумға қатысу үшін Армения, Беларусь, Грузия, Әзірбайжан, Молдова, Тәжікстан, Түркіменстан, Ресей, Қырғызстан, Қазақстан және Өзбекстан киностудияларының басшылары шақырылған.

Кездесу аясында студия өкілдерінің B2B кездесулері, дөңгелек үстелдер, бірлескен жобалар, киностудиялардың тиімді үлгілері мен киноконцерндер, сондай-ақ ынтымақтастықтың бірыңғай жол картасын әзірлеу қарастырылады. 

Сондай-ақ киностудия басшылары «Олтин Хумо» фильмінің тұсаукесері мен жас суретшілердің «Дебют 21» байқауына құрметті қонақ ретінде қатысады.