Ташкент мемлекеттік стоматологиялық институтында VI халықаралық стоматологтар конгресі өтті. Оған Өзбекстаннан бөлек Еуропалық Одақ, Түркия, Корея, Үндістан және ТМД елдерінен 100-ден астам жетекші сарапшылар қатысты.

Қатысушылар диагностика мен емдеудің жаңа әдістері, ғылыми және білім беру саласындағы тенденциялармен танысуға мүмкіндік алды. Конгресс аясында отандық және шетелдік сарапшылар жас сала қызметкерлері мен студенттерге 20-ға жуық бірегей шеберлік сабақтарын өткізді.

Конгресс бағдарламасы аясында стоматологиялық құрал-жабдықтар мен материалдарды өндіруші «Mega-Denta» неміс компаниясы «Терапевтік стоматология» мамандығы бойынша он екінші дәстүрлі «Mega Master» және АҚШ-тың «Colgate-Palmolive» компаниясымен бірлесіп «Балалар стоматологиясы» бойынша халықаралық студенттік олимпиаданы ұйымдастырды. 

Осы халықаралық байқауға Өзбекстан, АҚШ, Германия, Түркия, Үндістан, Қазақстан, Ресей және Тәжікстанның оннан астам жетекші медициналық жоғары оқу орындарынан 120-ға жуық студент қатысып, өздерінің кәсіби практикалық дағдыларының, теориялық білімдері мен ғылыми зерттеулерінің нәтижелерін көрсетті. Жарысқа Шымкент, Алматы, Ыстамбұл, Мәскеу, Хабаровск, Волгоград қалаларынан келген жетекші профессорлар мен сарапшылар төрелік етті.