Ташкент қаласында «Самарқанд ШЫҰ саммиті: аймақтық және халықаралық қауіпсіздікке, тұрақты дамуға қосқан үлесі» атты халықаралық конференция басталды.

Іс-шараның шетелдік қатысушылары Самарқанд саммиті оған артылған барлық үміттерді толық ақтағанын атап өтті. Өзбекстанның төрағалығы кезінде атқарған ауқымды істері лайықты аяқталды. Саммит Еуразиядағы ең маңызды саяси оқиғаға айналды.

Оның жұмысына ШЫҰ тарихында алғаш рет 14 мемлекеттің басшылары мен 10 халықаралық ұйымның басшылары қатысты. Қатысушылардың мұндай өкілді құрамы және олардың жеке қатысуы, сарапшылардың пікірінше, Жаңа Өзбекстанның жоғары беделінен, Президент Шавкат Мирзияевтің серіктес мемлекеттер басшыларымен қалыптасқан жеке сенімді қарым-қатынасының көрінісі.

Халықаралық конференция ӨР Президенті жанындағы Стратегиялық және аймақтық зерттеулер институты, ӨР Сыртқы істер министрлігі, Орталық Азия бойынша халықаралық институтпен серіктестікте, ШЫҰ-ның Аймақтық терроризмге қарсы құрылымының Атқарушы комитетінің көмегімен ұйымдастырылып ШЫҰ-ға мүше мемлекеттердің, сондай-ақ АҚШ, Бельгия, Ұлыбритания, Германия, Франция сияқты бірқатар шет елдердің сарапшылық және талдау топтары арасынан 30-дан астам көрнекті өкілдердің басын қосты.