Ташкент қаласында Өзбекстан Республикасы Президенті жанындағы Стратегиялық және өңіраралық зерттеулер институтының төрағалығымен Шанхай ынтымақтастық ұйымы форумының ХІХ отырысы басталды.

Конференцияға 40-тан астам сарапшы, олар қатарында мүше мемлекеттердің ұлттық зерттеу орталықтарының делегациялары, бақылаушы мемлекеттердің сарапшылары, сондай-ақ ШЫҰ Хатшылығы мен МАТТ Атқару комитетінің басшылығы қатысуда.

«Қазіргі кездегі ШЫҰ-ның рөлі: жалпы қауіпсіздік, тұрақтылық және өркендеу жолындағы күш-жігерді біріктіру» тақырыбындағы іс-шараның күн тәртібіне үш негізгі сессияның талқылауы орын алған.

Еске салар болсақ: ШЫҰ форумы 2006 жылы құрылған және көпжақты консалтингтік, сараптамалық және ғылыми-зерттеу құрылымы, құрылым қызметін ғылыми қамтамасыз етудің автономды тетігі болып табылады. Форум жиындары мүше мемлекеттердің ұлттық ғылыми орталықтарының қатысуымен жылына бір рет өтеді.