Ресейден Ташкентке әкелінген 7 вагон цистернадағы Аи-95 маркалы бензинді ұрлаған топ қолға түсті.

Ішкі істер министрлігі Көлік және туризм қауіпсіздігі департаментінің хабарлауынша, 30 қаңтарда Б.С., Ш.Д. және Д.И. есімді азаматтар басқа тұлғалармен алдын ала сөз байласып, Ресей Федерациясының Орск қаласындағы мұнай өңдеу зауытынан Ташкент қаласындағы «Carpe Diem Energy LLC» шетелдік компаниясына жөнелтілген 7 вагон цистернаға тиелген Аи-95 маркалы бензинді ұрлаған.

Қылмыстық топ вагондардың үстіңгі жағындағы люкке орнатылған таңбаны кесіп ашу арқылы мұнай өнімдерін тасымалдауға арналған көліктерге бензиді тиеген және оқиға орнынан жасырынған.

Осы жағдайға қатысты Б.С. және басқаларға қатысты Қылмыстық кодекстің 169-бабы (ұрлық) 4-бөлігінің «а» тармағы бойынша қылмыстық іс қозғалып, алдын ала тергеу амалдары жүргізілуде, делінген хабарламада.