Ташкент қаласында «Алпамыс» мұз сарайы пайдалануға берілді.

Ташкент қаласы әкімшілігінің мәліметінше, 50 жылдан астам тарихы бар «Юбилейный» спорт кешені екі жылдық жөндеу жұмыстарынан кейін «Алпамыс» атауымен қалпына келтірілді.

Әлемдік стандарттарға сай спорт нысанының жалпы ауданы 8 мың шаршы метр болып, 6 мың орын қарастырылған.

Мұз сарайында хоккей, шорт-трек, мәнерлеп сырғанау, керлинг жарыстарын өткізуге барлық жағдай жасалған. Бұл бағытта дамыған шет елдердің тәжірибесін кеңінен насихаттауға да ерекше көңіл бөлінетін болады.

Сонымен қатар, мұз сарайында спорт әуесқойлары үшін түрлі оқу-жаттығу жиындары ұйымдастырылмақ.