Ташкент қаласы әкімдігінде Моңғолия Премьер-Министрінің аға кеңесшісі Дагдандоржийн Амгаланбаатар бастаған делегация мүшелерімен кездесу өтті.

Кездесу барысында Ташкенттегі қала құрылысы бағдарламалары, жаңғырту жобалары және абаттандыру мәселелері талқыланды. Атап айтқанда, делегация өкілдері қонақ үйлер, сауда орталықтары және кеңсе ғимараттарына деген қажеттіліктер туралы пікір алмасты. Сонымен қатар, «Жаңа Ташкент» жобасы мен Цифрлық даму департаменті жүзеге асырып жатқан жұмыстар таныстырылды.

Дагдандоржийн Амгаланбаатар мырза Улан-Батор мэрінің Ташкент кәсіпкерлерін сәуір айында Моңғолия астанасында өтетін сауда көрмесіне шақыруын жеткізіп, болашақтағы байланыстарды нығайту үшін перспективалы жоспарларын мәлімдеді.

Моңғолия тарапы тұрғын үй құрылысы және коммуналдық салада ынтымақтастық орнату бойынша өз бастамаларын ұсынды. Олардың пікірінше, болашақта тиімді серіктестікке жету үшін барлық жағдайлар жеткілікті.

Аталған кездесу екі ел арасындағы қарым-қатынасты одан әрі дамытуға қызмет етеді.

 ӨзА