Ташкент қаласын қосымша жылу және электр энергиясымен қамтамасыз ету мақсатында когенераторларды қолдану жоспарлануда.

Министрлер Кабинетінің «Ташкент қаласының тұрғындарын қосымша жылу және электр энергиясымен қамтамасыз ету мақсатында пилоттық жобаларды жүзеге асыру бойынша жедел шаралар туралы» қаулысы қабылданды.

Құжат Министрлер Кабинетінің «Ташкент қаласының орталықтандырылған жылумен жабдықтау кәсіпорындарының қызметін жетілдіру туралы» шешіміне сәйкес әзірленген болып, онда жылу желілерінің соңғы бөліктерінде орналасқан қаланың 11 ауданында жылу және электр энергиясын қатар өндіру үшін когенерация қондырғылар мен газ қозғалтқыштары орнатылады.

Осылайша Ташкент қаласының 11 ықшам ауданындағы 236 көпқабатты тұрғын үй, 5 мектеп пен 13 балабақшаны жылу және электрмен қамтамасыз ету жақсартылмақ.

Энергетика министрлігіне Сыртқы істер министрлігімен бірлесіп Өзбекстанның шетелдегі дипломатиялық өкілдіктері арқылы бір апта мерзімде жабдық өндірушілерімен байланыс жасау, дайын жабдықты жеткізу және орнату, оның ішінде техникалық қолдау көрсету бойынша коммерциялық ұсыныстар енгізу тапсырылған.

Соның негізінде «Жылу электр станциялары» АҚ сараптамасыз: жабдықты сатып алуға; жабдықтарды монтаждау және іске қосу және жылу желілерін қайта құру бойынша мердігерлерді анықтауға рұқсат берілген.