Биыл 21-23 қараша күндері Ташкент қаласында «Жібек жолындағы туризм» халықаралық туристік жәрмеңкесі өтеді.

Ташкент халықаралық туризм жәрмеңкесі алғаш рет CAEx (Central Asian Expo Uzbekistan) халықаралық көрме орталығында ұйымдастырылады.

ТХТЖ ең ірі ақпараттық шара ретінде туристік өнімдерді ілгерілетуге және іскерлік байланыстар орнату арқылы ынтымақтастықты нығайтуға көмектеседі. Кейінгі отыз жыл ішінде ТХТЖ туризм саласындағы ең қызықты оқиғалардың бірі ретінде танылып, жыл сайын БҰҰ Туризм ұйымының ресми қолдауымен өткізілетін Орталық Азиядағы ең ірі шараға айналды.

Биыл жәрмеңке бүкіл әлемнен туризм саласының мамандарын жинап, жетекші туризм және көлік компаниялары, ірі қонақ үй желілері, дипломатиялық корпус, туризм саласындағы оқу орындары, сондай-ақ MICE туризм өкілдері үшін пайдалы болады.