ФОТОРЕПОРТАЖ

Ташкенттегі Фотосуреттер үйінде Өзбекстан Көркем шығармашылық иелері одағының мүшесі, иорданиялық халықаралық фотосурет шебері Абдурахман Валид Савалханның «Өзбекстан — араб фотографының жанарындағы ел» атты жеке фотокөрмесі ашылды.

Өзбекстан Көркем академиясы, Өзбекстан Көркем шығармашылық иелері одағы және Ташкент Фотосуреттер үйі бірлесіп ұйымдастырған бұл көрме ғасырлар қойнауынан тамыр тартқан екі ұлы мәдениет — өзбек және араб халықтары арасындағы рухани байланыстарды одан әрі нығайтуға бағытталған.

[gallery-27410]

Абдурахман Валид Савалхан Ұлыбританияның Лондон қаласындағы Central Saint Martins өнер және дизайн мектебінде «Art and Photography» (Өнер және фотосурет) мамандығы бойынша білім алған. 2019 жылдан бері Өзбекстанда тұрып, жемісті шығармашылықпен айналысып келеді. Шамамен 35 жылдық қызметі барысында ол Швейцарияның Federation Internationale de l’Art Photographique (FIAP), Нидерландтың World Press Photo, Араб фотосуреттер институты және Араб фотографтары одағының мүшесі ретінде танылған.

2004 жылы ЮНЕСКО-ның танымал тұлғалар тізіміне енгізілген. 35 Awards халықаралық байқауының нәтижелері бойынша әлемнің ең үздік 100 ландшафт фотографтарының қатарына кірген. 2021 жылы Араб фотография институты оны мәдениет пен өнерге қосқан үлесі үшін «Жыл адамы» деп мойындаған.

суреттерді түсірген Н.Хайдаров, ӨзА