Ташкент қаласында Грецияның елшілігі ресми түрде ашылды.

Бұл туралы сыртқы істер министрі Бахтиёр Саидов хабарлап, Грецияның Өзбекстандағы жаңа елшісі Параскеви Цевелек ханымнан сенім грамоталарының көшірмелерін қабылдады.

«Ташкент қаласында Греция елшілігінің ашылуын қуана құптаймыз және бұл қадам елдеріміз арасындағы ынтымақтастықты одан әрі жеделдетуге бағытталған маңызды қадам деп санаймыз. Кездесу барысында біз саяси диалогты нығайту, сауда-экономикалық байланыстарды дамыту, сондай-ақ мәдениет пен білім салаларындағы ынтымақтастықты кеңейту мәселелерін талқыладық. Құрметті елші ханымға Өзбекстанда табысты әрі жемісті қызмет атқаруын тілейміз», деп жазды Саидов.

Параскеви Цевелек Грецияның Өзбекстандағы елшісі ретінде Екатерина Нассика ханымның орнын иеледі.

Греция мен Өзбекстан арасындағы дипломатиялық қатынастар 1992 жылы орнаған. Алайда, Өзбекстанда Грецияның елшілігі болмағандықтан, елшілер Мәскеудегі елшілікте қызмет атқарып келген.