Өзбекстанда кейінгі жылдары көптеген шетел мемлекеттерімен білім саласында ынтымақтастық орнатылғаны саладағы озық тәжірибені меңгеру, оқу сапасын одан әрі көтеру үшін маңызды рөл атқаруда.

Ташкентте ұйымдастырылған Екінші Өзбекстан–Қытай білім форумының ресми ашылу салтанаты осының нақты айғағы.

Форумға Жоғары білім, ғылым және инновациялар министрі Қоңыратбай Шарипов, Қытай Халық Республикасының Білім министрі Хуай Цзинпен және жауапты мамандар қатысты.

Сонымен қатар, форумға Қытайдың әртүрлі жоғары және орта арнайы білім беру мекемелерінің, кәсіптік оқу орталықтарының өкілдері, Өзбекстаннан 160-тан астам білім ұйымдарының делегаттары қатысты.

Шара барысында екі мемлекет арасындағы білім және ғылыми зерттеулер саласындағы ынтымақтастық мәселелері жан-жақты талқыланды.

Сонымен бірге, оқу процесіне жасанды интеллектті енгізу, білім–ғылым–өндіріс интеграциясына қатысты өзекті мәселелер қаралды.

Студенттердің қатысуымен ұлттық мәдениетіміз бен дәстүрлерімізге арналған көрме және университет ғимаратында көшет отырғызу шарасы ұйымдастырылды.