Биыл Наурыз айының алғашқы күндері Ташкент қаласында «Париж-2024» Олимпиадасының рейтингтік ұпайларын беретін тағы бір ірі спорттық жарыс өтеді.

Спорт министрлігінің хабарлауынша, 2024 жылдың 1-3 наурызында дзюдодан өтетін «Үлкен дулыға» турниріне 69 елден 450-ге жуық спортшы қатысуға өтінім берген.

Ұлттық Олимпиада комитетінің отырысында аталмыш жарысқа дайындық мәселелері талқыланды.

Жиынға Ұлттық Олимпиада комитетінің бас хатшысы О.Қасимов, комитет төрағасының орынбасары, республика дзюдо федерациясының төрағасы А.Комилов және федерацияның ресми өкілдері қатысып, алдағы жарысты жоғары деңгейде өткізу жағы қарасытырылған.

«Сонымен қатар, жарыстар өтетін «Хумо аренаның» дайындығы, қонақтарға жасалған жағдай, визалық, көлік-логистика, хабар тарату мәселелері зерделеніп, жұмыс тиімділігін арттыру бойынша қажетті ұсыныстар айтылды», делінген хабарламада.