2023 жыл 21 ақпанда Ташкенттегі «Radisson Blu» қонақ үйінде «Uzbekistan Guides Forum - 2023» дәстүрлі VI гидтер форумы өтеді.

Шараны Мәдениет және туризм министрлігі мен Мәдени мұра нысандарын зерттеу және туризмді дамыту ғылыми-зерттеу институты ұйымдастыруда.

Министрліктің хабарлауынша, шара «Экскурсиялық қызмет: ынтымақтастық және инновациялар» тақырыбына арналады.

«Бұл форум ынтымақтастықтың жаңа бағыттарын дамытуға ынталандырады, экскурсиялық қоғамдастықты инновациялық технологиялармен және жаңа білім беру жобаларымен қамтамасыз етеді», - делінген хабарламада.

Еске сала кетсек, әлемдік күнтізбеде 21 ақпан – Халықаралық гидтер күні.