Ташкент облысындағы «Universal Jamping Agro» ат спорт клубында кедергілерден секіру бойынша әлем кубогына Орталық Азия іріктеу лигасының бірінші кезеңі мен Ұлттар кубогының жарысы басталды.

Өзбекстанның Ұлттық Олимпиадалық комитеті және Ат спорты федерациясы ұйымдастырған жарысқа Өзбекстаннан бөлек Армения, Беларусь, БАӘ, Германия, Нидерланды, Италия, Польша, Пәкістан, Қазақстан, Қырғызстан, Ресей және Украинаның шабандоздары қатысуда.

Ат спортынан кедергілерден секіру түрі бойынша әлем кубогына Орталық Азия іріктеу лигасының бірінші кезеңі мен Ұлттар кубогының жарысы 25 сәуірге дейін жалғасады.