Халықаралық дзюдо федерациясы (IJF) Токио Олимпиадасына дейінгі кезеңге арналған жарыс кестесін жариялады.

Федерация күнтізбе бойынша жылдың ашылуын «Qatar Masters» турнирі бастап береді. Осыдан кейін дзюдошылар ақпан айында Израильде бас қосады. Бірінші «Үлкен дулыға» турнирі 5-7 наурызда Ташкентте өтеді деп жоспарланған. 

IJF Венгрия астанасында 6-13 маусымда тағы да ересектер арасындағы әлем чемпионаты өтетіндігін хабарлайды. Бұл Токио-2020 Олимпиадасының алдындағы соңғы ресми турнир. Олимпиадаға рейтингтік ұпайлар беретін турнирлер осымен аяқталады.