Ташкент қаласының орталық көшелері бойымен 475 шақырымдай 34 бөлек автобус жолағын жасау көзделген.

ІІМ Қоғамдық қауіпсіздік департаменті жол қозғалысы қауіпсіздігі басқармасының бастығы Фазлиддин Тошкенбоевтың айтуынша, негізгі көшелер – Әлішер Науаи, Беруни, Әмір Темір және «Ферғана жолы» көшелерінің бойында жасалады. Қалған көшелерде 1-2 айда толық ұйымдастырылады.

– Ташкент қаласында автобустар үшін сызылып жатқан жолақтар қоғамдық көліктердің кептелісте қалмауы үшін қажет. Бұл жолақтарда автобустардан басқа, тек Жедел жәрдем, Өрт сөндіру қызметі мен Ішкі істер министрлігінің көліктері ғана жүре алады. Қалған көліктерге жүргізуге тыйым салынып, жауапкершілікке тартылады. Бірақ кез келген көлікке бұл жолақты белгілі бір себептермен, мысалы, жол жиегіндегі қондырғылар немесе көшеге шығу үшін пайдалануға рұқсат етіледі,– дейді Ф.Тошкенбоев.

Ол үшін дәліздерде қашықтығы шамамен 40-50 метр болатын ұзын-сонар сызықтар бар. Көше немесе нысан басталған жерде, бұл ұзын сызықтардың ықпал етуі аяқталады және көліктер автобустар үшін белгіленген жолақты босатуы керек.

Автобус жүргізушілерінің білімі мен біліктілігін арттыру мақсатында олармен арнайы сұхбаттар, түсіндірулер, экспресс-курстар ұйымдастырылуда.

Сондай-ақ, жаңа жүргізушілерді жинақтау бойынша жұмыс тобы ұйымдастырылып, 200-ден астам жүргізушілермен қысқа мерзімді оқыту ұйымдастырылуда. Осыдан кейін олар арнайы сынақтан өтіп, келісім-шарт жасалады.