2021 жыл Ташкент облысында әлемдік инвестициялық форум өтеді. Бұл туралы Туризм комитетінің төрағасы Азиз Абдухакимов Мадрид қаласына жасаған сапары барысында Дүниежүзілік туристік ұйымның (UNWTO ) бас хатшысы Зураб Пололикашвилимен кездесуде талқылаған.

Туризм комитетінің хабарлауынша, UNWTO бас хатшысымен кездесуде Азиз Абдухакимов UNWTO Бас ассамблеясының ХХV сессиясын 2023 жылы Самарқандта өткізуге Өзбекстан тарапы дайын екенін айтқан.

Кездесу барысында, Дүниежүзілік туристік ұйымның бас хатшысы Зураб Пололикашвили «туризмді дамытуды балалардан бастау туралы Өзбекстан тәжірибесін UNWTO ынтымақтастығында бүкіл әлемдегі бастауыш мектептер үшін жеке пән ретінде енгізуге және оқулық жасауға итермелейді. Мен осы пәнді Азия мектептерінде алғаш рет өзбек мектептерінде сынап көруді ұсынамын», - деген.

Сондай-ақ, тараптар 2021 жылдың маусымында (әлемдегі санитарлық-эпидемиологиялық жағдайға байланысты) Ташкент облысының Бостандық ауданында UNWTO қамқорлығымен әлемдік инвестициялық форумды өткізуге келісті.