Ташкентте жер үсті айналма метро желісінің II кезеңі аясында аяқталған 5 станцияда жолаушылар тасымалы басталды.

Көлік министрлігінің хабарлауынша, «Қойлық және Құрылысшылар» учаскесінде салынып біткен 5 станцияның жалпы ұзындығы 7,74 шақырымды құрайды.

Осылайша Ташкент метросының станцияларының жалпы саны 48-ге жетті. Жер үсті метрополитені құрылысының екінші кезеңі аяқталса, Ташкент метросының жалпы ұзындығы 70 километрден асып, ал станциялар саны 50-ге жетеді.