Ташкент әуежайында жолаушыларды күту орны кеңейтілді
Ташкент халықаралық әуежайының ұшу залының «стерил» ауданы тағы 2 мың шаршы метрге кеңейтілді.
Uzbekistan Airways хабарынша, жоба бойынша бұл залда орындықтармен жабдықталған кең күту алаңы мен «фуд-корт» жоспарланған.
Қосымша залдың құрылысы жалпы жөнелту залын В5-В6-В7 шығу дәліздерімен қосуға мүмкіндік берген. Сонымен қатар, төменгі залдан келетін және шығатын жолаушылар ағынын бөліп тұратын жеке галерея мен бортқа шығу дәліздерін ашуға болады.