Ресейлік «Red Wings» әуе компаниясы Қазан - Ташкент - Қазан бағыты бойынша тұрақты жолаушылар рейсін ашады.

Uzbekistan Airports дерегінше, қалалар арасындағы рейстер 2023 жылдың 16 қарашасында басталады деп жоспарланған. Ұшулар тұрақты түрде аптасына бір рет, бейсенбі күндері SU95 ұшағымен орындалмақ.

Red Wings — Домодедово әуежайында орналасқан, жоспарлы және чартерлік жолаушылар рейстеріне маманданған ресейлік әуе компаниясы.

Бүгінгі таңда авиакомпания Өзбекстанның бес қаласынан Ресей Федерациясының бес қаласына ұшуды жүзеге асырып келеді.