Ташкент облысының Қазақстанмен шекаралас аймағында «Орталық Азия» халықаралық өнеркәсіптік кооперация орталығы салынады.

«Орталық Азия халықаралық өнеркәсіптік ынтымақтастық орталығын құру жөніндегі шаралар туралы» Президент Жарлығының жобасы жарияланды.

Онда, Инвестициялар және сыртқы сауда министрлігі, Экономикалық даму және кедейшілікті азайту министрлігіның Ташкент облысы Ташкент ауданының Қазақстанмен шекаралас аймағында «Орталық Азия» халықаралық өнеркәсіптік ынтымақтастық орталығы»  («Орталық Азия» ХӨЫО) арнайы индустриялық аймағын құру туралы ұсынысы мақұлданатыны айтылған. 

«Орталық Азия» халықаралық өнеркәсіптік ынтымақтастық орталығының негізгі міндеттері мен қызметі мыналар болып табылады:

• Шетелдік және отандық инвестицияларды тікелей тарту, сыртқы нарықта сұранысқа ие және импорттың орнын басатын, жоғары қосылған құны бар өнімдер бойынша заманауи өндірістерді ұйымдастыру; 
• жергiлiктi шикiзат және өнімдер негiзiнде бекiтiлген кооперативтiк байланыстар орнату және «Орталық Азия» ХӨЫО қатысушылары арасында және жалпы екі тарап арасындағы өнеркәсіптік кооперацияны дамыту негізінде жоғары технологиялық өнім өндірісін жергiлiктендіруді тереңдету;
• логистикалық қызметтерді көрсетудің заманауи инфрақұрылымын қалыптастыру, өнеркәсіп субъектілеріне олардың өнімдерінің экспортын ұйымдастыруға көмектесу;
• өндірілетін өнімді стандарттау, сертификаттау және таңбалау жөніндегі халықаралық стандарттарға сәйкес ғылыми-өндірістік орталықтарды құру және олардың нәтижелерін халықаралық тануды қамтамасыз ету жөніндегі шараларды жүзеге асыру;
• тараптардың өндірістік және ресурстық әлеуетті кешенді және тиімді пайдалануын қамтамасыз ету.

Сонымен қатар, 

• «Орталық Азия» ХӨЫО аумағында бөлек салық, кедендік және валюталық процедуралар бар; 
• «Орталық Азия» ХӨЫО аумағында Өзбекстанның Салық кодексі, «Арнайы экономикалық аймақтар туралы» Заңында белгіленген жеңілдіктер қолданылады;
• инвестициялық жобаларды жүзеге асыру үшін жер учаскелерін беру Өзбекстан Президентінің 2018 жылғы 21 желтоқсандағы «Еркін экономикалық аймақтарды үйлестіру және басқару жүйесін одан әрі жетілдіру шаралары туралы» Жарлығына сәйкес электронды онлайн аукциондар арқылы жүзеге асырылады.