Өзбекстанда карантиндік талаптардың кезең-кезеңімен жұмсартылуына байланысты 15 тамыздан бастап Ташкент қалалық метрополиені қайта өз қызметін жалғастыратын болды.

Республикалық арнайы комиссияның шешіміне орай Ташкент метросының «Өзбекстан» «Чиланзар», «Юнусабад» бағыттарында жолаушылар тасымалы 15 тамыз таңғы сағат 06:00дан бастап тұрақты режимде өз қызметін жалғастырады.

Санитария талаптарына байланысты метро вагондары әр бір рейс алдында және әр рейс аяқталғаннан кейін үнемі дезинфекцияланады және жолаушылар метрода маскамен жүруі талап етілген.

Еске салар болсақ, карантиндік шектеулерге байланысты қоғамдық көлік қосзғалысы тоқтатылғаннан кейін, жалпы ұзындығы 37 шақырымды құрайтын үш бағытта қатнаушы 29 станциясы бар Ташкент метросы, бұған дейін орташа күніне 200 мың жолаушыны тасымалдап келген.