Фаол халқаро савдо яхши, фақат у хавфсиз бўлса. Қишнинг аёзли кунларида тарвуз тановвул қилишга нима етсин. Лекин, ушбу маҳсулот сифатли ва инсон соғлигига хавф солмаса фойдаси тегиши мумкин. Бироқ, баъзи ҳолларда тарвузнинг ноқонуний импорти ҳам аниқланмоқда.

Ана шундай ҳолат Тошкент вилоятидаги “Яллама” ўсимликлар карантини чегара постида учради. Қозоғистондан кириб келган юк машинаси мавжуд тартибга асосан карантин кўригидан ўтказилганда яширинча тарвуз олиб ўтилаётганлиги маълум бўлди. 2.5 тонна полиз маҳсулоти Хитойдан келтирилган бўлиб, юк эгаси маҳсулот импорти учун талаб этиладиган фитосанитария сертификатини тақдим эта олмаган.  

Қайд этиш лозимки, “Ўсимликлар карантини тўғрисида”ги Қонунга асосан Ўзбекистон ҳудудига импорт қилинаётган қишлоқ хўжалиги маҳсулотлари учун карантин импорт рухсатномаси (ИКР) ва фитосанитария сертификати талаб этилади. Халқаро намунадаги мазкур ҳужжатлар тақдим этилмаган тақдирда мазкур юк экспорт қилган мамлакатга қайтариб юборилади.  

 <iframe width="640" height="420" src="https://www.youtube.com/embed/IT6_uN7-LIg" title="Тарвузнинг ноқонуний импорти олди олинди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Улуғбек Тўхтаев (видео), ЎзА