Америкалық баскетболшылар Леброн және Бронни Джеймс бір уақытта бір командада ойнаған алғашқы әке мен ұл болды. Екеуі де «Лос-Анджелес Лейкерс» клубы құрамында Ұлттық баскетбол қауымдастығының (NBA) ойынында алаңға шықты.

Джеймстер алаңда екі жарым минутты бірге өткізді. Бронни ойын барысында допты торға дәл лақтыра алмады және тиімді пас та бере алмады - бұл 20 жастағы баскетболшы үшін әлемдегі ең мықты лигадағы алғашқы ойын еді. Алайда, ЛеБрон Лигадағы 22-маусымын өткізіп, ерекше жетістікке қол жеткізді. 

39 жастағы Леброн Джеймс тарихтағы ең үздік баскетболшылардың бірі ретінде танылған, әлемдегі ең көп жалақы алатын спортшылардың бірі. Ол төрт дүркін NBA чемпионы, төрт мәрте NBA финалының үздік ойыншысы және төрт мәрте NBA ең пайдалы ойыншысы атанған. 13 рет NBA жұлдыздарының алғашқы құрамына енген.