Жанубий Кореянинг собиқ президенти Юн Сок Ёлга прокурорлар томонидан ўлим жазоси ҳукми сўралмоқда.

Сеул Марказий тумани судига якуний далилларни тақдим этган прокурор Юн ва собиқ мудофаа вазири Ким Ёнг Хюн 2023 йил октябрь ойидан бошлаб лавозимда қолиш учун режа тузганини таъкидлади. Унинг айтишича, “Юн фавқулодда ҳарбий қонунни тасдиқлаб, либерал демократияни ҳимоя қилиш мақсадини кўзлаган. Конституцияга зид, ноқонуний ушбу қадам Миллий Ассамблея ва Сайлов Комиссияси ишини бузган, либерал демократик тартибни йўққа чиқарган”.

Суд залида Юн бу ҳолатга бошини чайқаб, кулиб муносабат билдирди. Унинг баъзи тарафдорлари ҳам шовқин солиб, қарорга қарши чиқиш. Натижада судья тартиб сақлашни талаб қилишга мажбур бўлди.

Маълумки, эълон қилинган Фавқулодда ҳарбий ҳолат атиги олти соат давом этган. Шунга қарамай, Осиёдаги тўртинчи йирик иқтисодиёт, АҚШнинг муҳим стратегик иттифоқчиси, кўп йиллик барқарор демократик тизимга эга бўлган мамлакат сиёсий ҳаётида жиддий норозилик уйғотди.

Табиийки, 65 ёшли Юн айбини тан олаётгани йўқ. “Yonhap” агентлигига берган изоҳида у ҳарбий қонун “халқни вайрон қилиши мумкин бўлган ёвуз кучлардан ҳимоя” воситаси эканини билдирган. Тегишли қарорни президент сифатидаги ваколатига мувофиқ, ҳукуматга қарши мухолифатни огоҳлантириш мақсадида чиқарганини таъкидлади.

Суд 19 февраль куни якунланади. Прокурорлар сўраган ўлим жазоси суд томонидан тасдиқланмаслиги ҳам мумкин. 1995-1996 йилларда собиқ президентлар Чун Ду Хван ва Ро Таэ Ву ҳам ўлим ва умрбод қамоқ жазосига учраган. Кейинчалик ҳукм енгиллаштирилиб, қисқа муддатли қамоқдан сўнг Президент томонидан афв этилган.

Амалдаги етакчи Ли Чжэ Мён идораси суд қарори қонун, қабул қилинган тамойиллар ва халқ кузатувига мувофиқ келишига ишонч билдирди.

Мусулмон Зиё, ЎзА