Яна 50 дан зиёд бемор касалхонага ётқизилган. Anadolu агентлиги Танзания соғлиқни сақлаш вазирлиги вакилининг берган маълумотига таяниб хабар беришича, улар номаълум инфекцияга чалинган.

Аниқлик киритилишича, беморлар қайт қилиш ва қон қусишдан вафот этмоқда.

"Касаллик ҳозирча кенг тарқалмаган, фақат битта маъмурий округда кузатилган", – дейди Мбея вилоятининг Чунья округи бош врачи Фелиста Кисанду.

Врачнинг қўшимча қилишича, клиник таҳлиллар шуни кўрсатмоқдаки, беморлар асосан эркаклардан иборат бўлиб, ошқозон яраси ва жигар хасталигидан ҳалок бўлишмоқда. Танзания соғлиқни сақлаш вазирлиги офат тарқалган ҳудудга экспертлар гуруҳини жўнатган.

Хабарда таъкидланишича, худди шундай ҳодиса ушбу ҳудудда 2018 йилда ҳам кузатилган эди. Ўшанда ҳам бир қанча одам юқори тана ҳорорати, ошқозон бузилиши ва қон қусишидан қийналганди.