Қорақалпоғистон Республикаси Мактабгача ва мактаб таълими вазирлигига қарашли республика Болалар кутубхонасида Ўзбекистон Республикаси Президентининг 2019 йил 30 сентябрдаги “Халқ таълими тизимидаги мактабдан ташқари таълим самарадорлигини тубдан ошириш чора-тадбирлари тўғрисида” ги қарори ижросини таъминлаш, ўқувчи-ёшлар ўртасида китобхонликни ривожлантириш, уларни китоб ўқишга қизиқтириш ва кенг қамраб олиш мақсадида жорий йил 25 сентябрдан 16 октябрь кунлари оралиғида “Китобхонлик фестивали” бўлиб ўтди.

Фестивал доирасида аҳоли, айниқса ёшлар ўртасида китобхонликни ривожлантиришга оид “Энг китобхон мактаб”, “Энг  фаол китобхон ўқувчи”, “Ижодкор болалар”, “Энг китобхон оила”, “Энг фаол кутубхоначи” кўрик танловлари ўтказилиб, уларга умумтаълим мактабларидан 102 минг 306 нафардан ортиқ ўқувчи ёш қамраб олинди.

[gallery-26032]

Қорақалпоқ давлат ёш томошабинлар театрида танлов ғолибларини тақдирлаш маросими ўтказилди. “Энг китобхон мактаб” кўрик-танловида Нукус шаҳридаги 37-сонли мактаб жамоаси биринчи, Қораўзак  туманидаги 28-сонли мактаб жамоаси иккинчи,  Хўжайли  туманидаги 10-сонли мактаб жамоаси учинчи, “Энг  фаол китобхон ўқувчи” кўрик-танловида Тақиатош тумани 6-сонли мактабнинг 9-синф ўқувчиси Ембергенова Зебо биринчи, Қўнғирот тумани 34-сонли мактабнинг 8-синф ўқувчиси Гўзал Файзуллаева иккинчи, Мўйноқ туманидаги  18-сонли мактабнинг 8-синф ўқувчиси Жавоҳир Ботирбаев учинчи ўринларни эгаллашди. Шунингдек, “Ижодкор болалар” кўрик-танловида биринчи ўринни Тўрткул туманидаги 45-сонли мактабнинг 8-синф ўқувчиси  Муниса  Мамбетсолиева, иккинчи ўринни  Қўнғирот туманидаги 41-сонли мактабнинг 7-синф ўқувчиси Айдана Жайилханова, учинчи ўринни Тахтакўпир тумандаги 3-сонли мактабнинг 7-синф ўқувчиси Гавхарим Турғунбаева эгаллаган бўлса, “Энг китобхон оила” танловида Нукус туманидаги   22-сонли мактабдан Сейтниязовлар оиласи биринчи, Тўрткўл туманидаги 35-сонли мактабдан Абдуллаевлар оиласи иккинчи, Қораўзак тумани   5-сонли мактабдан Бекниязовлар оиласи учинчи ўринларни қўлга киритишди. Амударё тумани  59-сонли мактабнинг кутубхоначиси Кунжарқин Қадирбаева “Энг фаол кутубхоначи” кўрик-танлови ғолибаси бўлди.

— Япон халқида бир йиллик режа тузсангиз шоли экинг, ўн йиллик режа тузсангиз дарахт экинг, умрбод режа тузсангиз ажойиб фарзандларни  тарбияланг, —  деган ҳикмат бор. Ажойиб фарзандларни тарбиялашда эса китоб энг яқин ёрдамчи бўлиб хизмат қилади. Оиламиз билан китобхонликка қизиқамиз. Шунинг натижасида биринчи ўринни эгалладик. Барча оилаларнинг фарзандларини китоб ўқишга чорлаб қоламан, — дейди “Энг китобхон оила” танлови ғолибаси Улпери Айтназарова.

Танловларнинг ғолиб ва совриндорлари Мактабгача ва мактаб таълими вазирлиги томонидан диплом ҳамда қимматбаҳо совғалар билан  тақдирланди.

<iframe width="560" height="315" src="https://www.youtube.com/embed/DJhvQplqytU?si=SvaoGbJEqpnPy_gb" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Довуд Абибуллаев, Мақсад Ҳабибуллаев (сурат), ЎзА