Термиз шаҳридаги 26-умумтаълим мактабида 9-11-синф ўқувчилари ўртасида анъанавий тарзда ўтказиб келинаётган “Ҳуқуқий-маърифий билимдон” республика танловининг вилоят босқичи юқори савияда ташкил этилди. Унда танловнинг қуйи босқичларида сараланган 15 жамоа иштирок этди.

Иштирокчилар ҳуқуқий билимлар бўйича мулоҳазали савол-жавоб, қонунчиликка оид тест синовлари, шунингдек, ҳаётий вазиятларга асосланган саҳна кўринишлари орқали ўз билим, иқтидор ва саҳна маҳоратини намойиш этди.  

Узун туманидаги 20-умумтаълим мактаб жамоаси танловда ғолиб бўлди. Қизириқ туманидаги 36-умумтаълим мактаби жамоаси иккинчи, Шўрчи туманидаги 6-умумтаълим мактаби жамоаси учинчи ўринни эгаллади.  

[gallery-26517]

Танлов ёшларнинг ҳуқуқий саводхонлигини ошириш, уларда қонунларга ҳурмат, мустақил фикрлаш, пухта таҳлил қилиш, ижодий ёндашув ва жамоа билан ишлаш кўникмаларини шакллантиришга хизмат қилиши билан аҳамиятли. Айниқса, саҳнавий чиқишларда ўқувчилар томонидан қонунбузарлик ҳолатлари, уларнинг оқибатлари ва миллий қонунчилик нормаларига оид мавзуларнинг ёритилиши иштирокчиларнинг тайёргарлик даражаси юқорилигини кўрсатди.  

Ғолиб ва фаол жамоалар вилоят мактабгача ва мактаб таълими бошқармаси томонидан диплом, эсдалик совғалари ҳамда махсус сертификатлар билан тақдирланди.

<iframe width="560" height="315" src="https://www.youtube.com/embed/kLjArHbZFYc?si=j5E_Yd154H_E3opw" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ(сурат),ЎзА