ФОТОРЕПОРТАЖ

Урганч давлат педагогика институтида Халқаро илм-фан соҳасидаги хотин-қизлар куни муносабати билан “Глобал ва миллий стандартлар асосида таълимда сунъий интеллект ва рақамли технологияларни татбиқ этиш: имкониятлар ва хавф-хатарлар” мавзуида халқаро илмий-амалий анжуман бўлиб ўтди.

Мазкур анжуманда маҳаллий ва хорижий олимлар, соҳа мутахассислари ҳамда профессор-ўқитувчилар иштирок этиб, таълим жараёнига сунъий интеллект ва рақамли технологияларни жорий қилишнинг долзарб жиҳатлари юзасидан фикр алмашди.

[gallery-27787]

Тадбир давомида замонавий таълим платформалари, рақамли воситалардан самарали фойдаланиш, сунъий интеллектнинг таълим сифатини оширишдаги ўрни ва бу жараёнда юзага келиши мумкин бўлган хавф-хатарлар муҳокама қилинди.

Анжуман якунида хорижлик ҳамкорлар халқаро илмий-амалий анжумандаги фаол иштироки учун тақдирланди.

Беҳзодбек САИДОВ (сурат), ЎзА